Catalan mi-pui ngaihsak lohah Spain lal puh

Catalonia Regional President Carles Puig­demont chuan Spain lal, King Felipe chu Cata­lonia bial mipuiten independence an duh leh duh loh chung­changa vote an lak hnuah, Catalan mipuite ngaih­thahah a puh.

King Felipe hian thu a sawinaah, Catalonia bialin vote an lak chungchangah Spain ram danpui ngai pawimawh lo a, dankalha thilti niin a sawi a ni. Hei hi Puigdemont chuan sawi­selin, an ram lal chuan vote thlakni police te kut tuara Catalan mi tam takte hliam tuar chungchang ngaihthahah a puh a ni.

Puigdemont chuan King Felipe thusawi duh dan chu thil awm lo tak a nih thu sawiin, Catalan mipui tam tak rilru a ti na a ni, a ti. Boruak siamṭha zawktu tur a nihna chu a hmang dik lo niin a sawi bawk a ni.