Australia eptu hruaituin Silai tawlhrute damchhung tantir duh

Australia eptu hruaitu, Bill Shorten chuan silai tawlhru ṭhinte chu dam chhung lung-in tantir a duh thu a sawi.

Australian Labor Party (AlP) hruaitu Shorten chuan Prime Minister Malcolm Turnbull-a kaihhruai sorkar hnennah ngenna thlenin, ralthuam hlauhawm tak takte tihbo a nih theihna turin silai pelutte ngaihdamna chu kumin kumtawp thlenga hmang chhunzawm turin a ngen.

Las Vegas-ah mi pakhatin music festival hmanga pungkhawmte a pawngkah avanga mi 59 thihna a thlen hnuah, Shorten chuan silai hmanga pawikhawihna thleng ṭhin lakah Australia mite venhimna turin nasa zawka hma lak a ngai a niin a sawi.

Kum 2014 December thla khan firfiak pakhatin Sydney-a Lindt Cafe Siege-ah silai hmetpuakin mi pathum a kaphlum a, Hetiang thil hi a thlen tawh lohna turin theihtawp chhuah a ngai tih Shorten chuan a sawi.