Thlipui tlehin chhiatna a thlenah mi 22 thi

Costa Rica, Nicaragua leh Honduras te chu thlipui, Tropical Storm Nate-in a nuai a, thlipui tlehin chhiatna a thlenah mi 22 an thi a, chin hriat lohin mi 20 chuang an awm bawk.

Thlipui tleh hian ruahtui a ken tel avangin hmun tam takah ruah nasa takin a sur a, leimin leh tuilian vangin lei leh in tam tak a chhe bawk.

Costa Rica-ah hian thli tleh leh ruahsur vang hian mi 400,000 chuangin tui supply an nei lo a, mi sang tel chu hmun him lamah an insaseng bawk. Rel leh thlawhtheihna service pawh tihtawp lailawk a ni a, national park ṭhenkhat pawh khar a ni bawk a, thlipui tleh vang hian mi pariat an thi a ni. Nicagarua-ah mi 11 an thi a, Honduras-ah mi pathum an thi bawk. Nicagarua-a tuipui kamah pawh thli tleh hian building tam tak a tichhe bawk a ni. Thlipui hian US lam a pan a, Pathianni hian a thlen rin a ni a, khawchin zir turte chuan thlipui hlauhawm lam hi US a thlen chuan category 1 a nih an rin thu an sawi. Florida leh Texas state-te chu thlipui thleng tur laka lo inralring tura hriattir an ni a, he thlipui hian a thleng a nih chua kumin chhunga thlipui na tak an tawrh pathumna tur a ni. Texas leh Florida hi August thla khan Hurricane Harvey leh, Sepember thla khan Hurricane Irma-ten an lo nuai tawh a ni.