Brazil nursery school beihna-ah naupang pali kanghlum

Brazil-a childcare center pakhat chu security guard-in a hal a, naupang pali leh zirtirtu pakhat an thi.

He thil thlenna hmun hi Minas Gerais state-a Janauba khua Gente Inocente childcare center a ni a, security guard hian room kawngkhar chu pawn lama kalhin a hal a ni. Mi 25 in hliam an tuar bawk a, an zinga a tam ber chu naupang an ni. Hliam tuarte hi state khawpui, Belo Horizonte damdawi-inah thlawhtheihna hmanga hruai nghal an ni.

Center haltu, secuirty guard hi kum 50 mi Damioa Saoreas dos Santos a ni a, amah pawh nasa taka kangin damdawi-ina hruai a nih hnuah a hliam tuar loin a thi ve leh a ni. Center a beih chhan hi chhuizui nghal a ni.

Santos hi a hriselna ṭhat loh vangin thla khat chuang a chawlh hnuah a hna hi a zawm thar leh a, centre-a hian a medical certificate pe tura a kal chu a hal zui ta nia sawi a ni.

Januaba mayor chuan childcare center beihna thleng avanga thi te chu ni sarih chhung sun an nih tur thu a puang.