Pakistan laka a ṭul anga hma la turin Trump inpeih

US Defence Secretary Jim Mattis chaun Pakistan chuan firfiak pawlte a thlawp ṭhin chung­changa a thiltih dan a siamṭha a nih loh chuan Pakistan laka a ṭul anga hma la turin US President Donald Trump chu a inpeih tih a sawi.

Mattis chuan Pakistan chuan an rama chhunga firfiakte zalen taka an awm ṭhin thlak danglam tura hma a la lo a nih chuan, hrek leh Nato thawhpui ram a nihna pawh a hloh mai dawn a ni, a ti.

President Trump chuan August thla khan Afghanistan leh South Asia policy a lo puang tawh a, Pakistan chu firfiakte a hum leh a thlawp ṭhin a tihtawp loh chuan na taka hrekah a lo vau tawh a ni.

Mattis chuan Pakistan-in a awmdan a thlak a ngaih thu a sawi a, firfiakte laka a chetdan a thlak danglam a nih loh chuan hremna pek anih theihnan a bei dawn tih a sawi. Paksitan chuan firfiakte beihlehna kawngah ram tam tak aiin a sipaite a chan hnem a, hetichung hian Pakistan ram chhungah firfiakte chu zalen takin an la awm reng niin a sawi.