Kim Jong-un-a'n nuclear program fak

North Korea ram hotu, Kim Jong-un chuan nuclear program an kalpui mek chu fakin, nuclear ralthuam an neihte chu an ram venhimna turin a chak tawk tih a sawi. Hetih lai hian US President Donald Trump chuan North Korea chungchang chinfelna tur chu kawng khat chauh a awm niin a sawi thung.

Kar kalta Inrinni khan Kim chuan rorellai, Workers' Party Central Committee meeting-ah thu a sawi a, an ram dinhmunte sawiin, nuclear ralthuam an neihte chu an ram humhimna tur leh Korean Peninsula leh Northeast Asia himna turin a chak tawk tih a sawi. Meeting-ah hian Kim-a farnu, Kim Yo Jong chu party thuneitu sang, politburo member atan dah a ni bawk.

North Korea hian tunhnaiah Japan ram chungah missile pahnih a kapchhuak a, ṭum ruk nuclear test a nei tawh bawk. US ram laili kap pha thei tur nuclear ralthuam phur thei missile siam tumin hma ala mek bawk a ni.

US President Donald Trump chuan US leh a ṭhian­ ṭha ramte venhimna turin a ṭul a nih chuan NKorea chu an tihchhiat vek tur thu a lo sawi tawh a ni.