Saudi Arabia hnenah Thaad hralh dawn
US sorkar chuan Saudi Arabia hnena Terminal High-Altitude Area Defense (Thaad) missile defence system, dollar tluklehdingawn 15 man hralhna tur a pawm.
State Department chuan Saudi Arabia hnena Thaad missile defence system hralh a nih tur thi hi apuang a, hei hian Saudi security a tihchangtlun phah dawn tih a sawi a, Iran leh a hmelma ram dangten an beihna tur laka invenna tur pawimawh tak a nih thu a sawi. Hemi hma hian Saudi Arabia chuan Russi aṭanga air defence system lei a lo remti tawh bawk.
Thaad system hi South Korea-ah dah a ni tawh bawk a, hei hi NKorea-in a beih thut laka invenna leh lo danna tura tih a ni. Mahse Thaad system dah hi South Korea ramri bula chengte chuan an duh lo hle a, an dinhmun a tiderthawng nia sawiin dodalna pawh an lo lantir fo tawh a ni. China pawhin US leh SKorea-ten Korea ram pahnih inri-na bula Thaad system an dah hi a sawisel a, Korea leh a chhehvel bial security a nghawng thei niin a sawi.