Buckingham Palace gate lawnliam tum man

British Police-te chuan Britain lal in, Buckingham Palace gate lawnliam tumtu hmeichhe pakhat chu Inrinni khan a man.

Police-te chuan he hmeichhia hi kum 30 mi vel a nih thu sawiin, gate lawnliam a tum lai hian thu zawhfiah tura man a ni tih an sawi. A thiltih hi firfiaka chetna nena inhnamhnawihna a awm hriat a nih loh thu an sawi.

Lal-in compound chhunga luh luih tum hi an awm fo a,nikum October thla khan mi pakhat chu Buckingham palace gate hi lawnliam a tum avangin man alo ni tawh bawk. Kum 2016 May thla khan mi pakhat chu gate-ah hian lawn liamin, lal-in compound chhung lamah hian minute 10 vel zet a awm hman a, man a nih hnuin thla li tang tura hrem a ni.

Kum li kalta khan mi pakhat chu chemte keng chungin gate-ah hian luh luih a lo tum tawh bawk a, thla 16 tantir a ni. Hemi hma lawk hian mi pahnih chu lal-in ah hian luh luih an tum vangin man an ni bawk.

Kum 1982 khan Michael Fagan chu Buckingham Palace bang lawn liamin lal-in chhunga hian a lo lut tawh a, man a nih hmain lal-in chhunga room-ahte a lo kal kual hman a ni.