China-ah Eiruk vangin official mtd 1.34 hrem tawh

China rama eirukna dotu, anti-graft watchdog chun kum 2013-a President Xi Jinping-an eiruk dona beihpui a thlak aṭang khan lower-ranking official maktaduai 1.34 hrem an ni tawh tih a sawi.

Eiruk kaihhawiha hrem zinga mi 648,000 chu village-level official an ni a, heng mite hi eirukna lian tham niloa thiam loh chantirte an nih thu Central Commission for Discipline Inpection (CCDI) chuan a sawi.

Official hrem zinga a tam ber chu lower ranking official an ni a, mahse high-ranking official hrem pawh eng emaw zat an awm tel a ni. August thla khan Ministry of Finance-a anti-graft committee hotu chu eirua puh a nih vangin amah chu chhuichiang turin alo ti tawh bawk a ni. September thla khan Central Military Commission-a senior military officer eiruk kaihhnawiha man a ni a, thu zawhfiah a ni bawk a ni.