Cuba-ah Guevera thih cham pualin kawng zawh

Cuba revolutionary hero, Ernesto Che Guevara thih cham vawi 50-na pualin Pathianni khan Santa Clara khuaah kawngzawh huaihawt a ni a, mi 60,000 chuang an tel.

Che Guevara hi kum 1967, October 9 khan CIA thlawp sipaiten Bolivia-a thingtlang khaw pakhatah ambush-in an kaphlum a ni. Guevera hi Cuba dictatorship paihthla a, Fidel Castro-an thuneihna a chan theihna tura beitu a ni.

Pathianni-a kawngzawh huaihawtna hi Cuba khawpui, Havana khawchhak lam km 300 vela hlaah a ni a, kawng­zawhnaah hian Cuba President Raul Castro pawh a tel a ni. Che Guevara Mausoleum-ah Castro leh Communist Party hruaitute chuan zahna an hlan a ni.

Bolivia President Evo Morales leh a cabint member-te pawhin Pathianni khan Guevar kahhlumna hmun, La Higuera panin km 2-a thui kawng an zawh a ni.