Paksitan-ah Sharif-a makpa man

Prime Minister hlui, Nawaz Sharif-a makpa, Mohammad Safdar chu nimin zing khan Islamabad airport-ah man a ni.

Mohammad Safdar hi nimin zing khan London aṭangin Islamabad airport hi a thleng a, airport a thlen veleh man a ni. Safdar leh a nupui hi eiruknaa inhnamhnawiha puh chungchangah anti-graft tribunal-a inlan tur an ni a, a nupui erawh chu man a ni ve lo. Panama Paper leak-ah Sharif, a fanu, a makpa leh a fapa pahnihte chu ram pawn lama company leh ram an neihte puanzar a ni a, an thil neih chungchang hi an zep avangin eiruk thubuai siamsak an ni a, July thla khan Sharif chu he thubuai vang hian PM a nihna aṭanga ban a lo ni tawh bawk.