China-ah khualzin tam

China chuan China National Day holiday a hman chhungin khualzin an tam hle tih a sawi.

China National Day hi October 1-a hman niin, October 3 thleng a lawmna hun hi an nei ṭhin. Hemi hnu han October 7 thleng mipuite chuan chawlh an hmang zui a, hei hi Golden Week tiin an vuah a ni. Hei hi Chinese New Year tih lohah China rama public holiday rei ber a ni. China National Day hi khaw nawm lai, boruak pawh a nawm lai tak a nih avangin he holiday denchhena China ram tlawhtu khualzin hi an tam thei hle.

China National Tourism Administration (CNTA) chuan kumina National Day holiday chhungin khawpui hrang hrangah khualzin maktaduai 705 vel an awm niin a sawi a, khualzinte aṭanga sum hmuh hi US dollar tluklehdingawn 87.7 a tling a ni, a ti.

Chhim thlang lama Guizhou province chuan ni riat chhung khualzin tlawhtu maktaduai 46 chuang a nei a, hmarlama Mongolia bialah chua khualzin maktaduai 106.2 an awm bawk.

China hian domestic tourism industry aṭangin kum 2016 khan yuan trillion 3.9 a lalut a, kum 2020-ah chuan trillion yuan 7 lakluh theih a tum a, tourism industry tihmasawnna tumin a bei mek a ni.