Israel-in Hamas post tichhia

Israel chuan Palestinian-ten Gaza Strip aṭanga rocket hmanga Israel beih an tum hnuah, tank hmangin Gaza-a Islamist Hamas post a kah chhiat sak.

Pathianni zan khan Gaza Strip aṭanga Israel chhim lam kah tumin rocket kahchhuah a ni a, mahse rocket hi Gaza Strip ram chhungah a tla a ni. Israel civil mite dinhmun tiderathawng a, Israel ram beih tum anih avang hian Thawhṭanni khan Israel chuan tank hmangin Gaza Strip chhim lama Hamas-te post chu a kah chhiah sak ve nghal a ni.

Kum 2008 aṭang khan Israel leh Hamas te hi an inbei tawh a, kum 2014-a an indo hnuah khan ramri-ah inkahhai an lo puang tawh a ni. Mahse hemi hnuah pawh Gaza aṭang hian missile leh rocket hmangin Israel hi kah a ni fo a ni.

Israel chuan Gaza aṭanga rocket kahchhuah ṭhinah Hamas te chu mawhphurtuah a puh vek a, an ram beih a nih hnu lawk hian a chhang let ve nghal zat ṭhin.