Literature leh Chemistry-a Nobel Prize dawng tur puang

Kum 2022-a Chemistry leh Literature-a Nobel Prize dawng tur puan belh leh an ni.

Nobel Prize in Chemistry dawng tur hian Carolyn R Bertozzi, Morten Meldal leh a hma pawha lo dawng tawh K Barry Sharpless-te chu thlan an ni. An pathum hian 'click chemistry' lama an hna thawh ṭhat avanga pek an ni. Molecules-te inzawmkhawmna tura hun rei tak ngai ṭhin chu an thil siamchhuah hmangin nghet leh rang takin an inzawm theih phah dawn a ni. An hnathawh hi medical science lamah hman ṭangkai a ni dawn a, a bikin cancer enkawlna atan a ṭangkai dawn hle a ni.

Nobel Prize in Literature dawng turin French author, Annie Earnaux chu thlan a ni bawk. Ernaux hi autobiographical work, 'A Woman's Story', 'A Man's Place' leh 'Simple Passion' avanga hriat hlawh a ni.