Kenya President thlan hun tur sawn

Kenya President thlan hun tur chu October 26-ah sawn hlat a nih thu polls commission chuan a sawi.

Supreme Court-in Independent Electoral and Boundaries Commission (IEBC) chu inthlanna felfai tak buatsaih thei loa puhin a sawisel a ni. Inthlan hi Octotber 17 a neih tura ruahman a ni a, mahse court-in IEBC sawiselna hi a tihchhuah hnuah, poll commission chuan inthlan neih hun tur sawn hlat a nih thu a puang a ni.

Hetih lai hian eptu pawl hruaitu, Raila Odinga chuan inthlanna neih tur hi a felfai dawn lo nia sawiin, candidate a nihna aṭangin a inhnukdawk. Odinga thlawptute chuan sorkarin election law a siam thar chu an duh lo hle a, he dan hi president ṭanglai Uhuru Kenyatta-an awlsam taka thuneihna a chan leh theihna tura ruahman a ni, an ti. Eptute chuan election law thar duh lohna an lantir a, pungkhawmte hi police-te chuan tear gas nen an hnawtdarh a ni.

Election law thar hi Nilaini khan parliament chuan a pawm a, he dan thar hnuaiah hian presidential candidate pakhat a inhnukdawk a nih chuan, pakhat chu tlinga puan nghal tur a ni.