Trump-an media network lian vau

US President Donald Trump chuan American news network lian te chu a nuclear policy an tihchhuah danah thu dik lo thehdarhah puhin, an licence tihtawp sakah a vau.

NBC News-in President Trump hian nuclear ralthuam chu a let sawm zeta tihpun a duh niin a sawi a, hei hian Trump hi a tilungawi lo hle. NBC thu puan chu an phuahchawp mai niin a sawi a, NBC leh network lian dangte chuan thu dik tawk lo an thehdarh fo chuan an licence pawmsak chu thil ṭullo tak a ni tih sawiin, an ram tan pawh a ṭha lo hle a ni, a ti.

Nilainia NBC report chuan July thlaa meeting-ah President Trump hian nuclear ralthuam mai ni lo, US sipai leh hmanruate pawh tihpun a duh thu a sawi niin a tarang. Mahse Trump chuan hemi chungchang thu hi engmah a sawi lo niina sawi thung a, NBC chu thu dik tawk lo thehdarh foah a puh a ni.