Hafiz Saeed-a political party din pawm lo

Pakistan electoral commission chuan firfiak Hafiz Saeed-a political party din chu a pawm lo a, he party thar hming hian inthlana chuh a remti lo.

Hafiz Saeed hi India most wanted terrorist niin US sorkarin pawhin a lu mamah dollar maktaduai 10 a phal a ni.

Commission thupuangtu, Haroon Khan chuan member pali awmna panel chuan Milli Muslim League (MML) chu political party anga ziah luh an remti lo tih a sawi. Khan chuan Election Commission of Pakistan (ECP) hotu, Muhammad Raza Khan pawhin MML ukilte hnenah hian party thar hi firfiak nena inzawmna nei anih avangin political party anga an ziahluh theih loh thu a hrilh a ni, a ti.

Hetih lai hian MML hotu, Saifullah Khalid chuan commission thutlukna siam hi an khing let dawn tih a sawi a, ram hmangaihtu dik takte politics khel thei lo tura hrek tumna a ni a, ti. Official-a pawm ni lo mah se, an party chu an kal ngaiin a la kal zel dawn tih a sawi.