Somalia khawpuia bomb puakah mi 30 thi

Somalia khawpui, Mogadishu-ah kar kalta Inrinni khan bomb na takin a puak a, mi 30 an thi.

Police-te chuan bomb hi khawpui chhunga hmun lun lai, Safari Hotel luhna bula truck-ah tihpuah a nih thu an sawi a, mi tam takin hliam an tuar bawk a ni. Bomb tipuaktu hi hriat an la ni lo a, mahse Mogadishu hi al-Qaida firfiak pawl nena inzawm, al-Shabah pawlin an beih fo avangin Inrinni-a bomb puak pawh hian an tih nia ngaih a ni.

Inrinni-a bomb puahna hmun hi sorkar office, hotel leh restaurant te awmna bial chhung niin,bomb puak hian in eng emaw zat a tichhia a, motor sawm chuang zet a kang chhe bawk. Bomb puah hnu hian security force leh Safari Hotel chhunga hel awmte an inkap zui bawk.