Italy zirlaiten nawrh huaihawt

Italy rama zirlaiten chuan work expe­rience scheme kalpui dan chu an hna zawnna atana a ṭangkai lo nia sawiin, an duh lohna lantirin khawpui 70 chuangah Inrinni khan nawrh an huaihawt.

Zirlai hruaitute chuan social media kaltlangin nawrh hi an huaihawt a, khawpui hrang hranga nawrh huaihawtnaah zirlai an tel ṭhahnem hle.

Italy Student Network chuan an ram chhunga school 95%-a zirlai, 900,000 vel chuan work experience scheme hi an kalpui a, mahse hetichung hian Italy hi EU zingah ṭhalai hna nei lo tam lama pathumna a ni reng a ni.

Zirlaite chuan training leh quality ṭha an neih theihna tur work placement siam an duh thu an sawi a, Italy chuan work experience paltlang tana hna pe thei tur chungchangah dan mumal a nei lo niin an sawi. Company te chuan zirlaite chu an palzam mai mai niin an sawi a ni.