Trump-a thusawiah Israel leh Saudi Arabia inrawlhah puh

Iran chuan US President Donald Trump-an tunhnaia Iran sawisel zawnga thu a sawi chung changah Israel leh Saudi Arabia chu an inrawlh niin a puh.

Iran Parliament Speaker Ali Larijani chuan Trump-a thusawi dan turah hian Israel leh Saudi Arabia sorkar chu an inrawlh a, a thu sawi turah pawh thurawn an pe ngei niin a sawi.

President Trump hian Iran nuclear deal chu sawiselin, he inremna aṭanga inhnuhdawkah a vau a, Iran chu firfiakte thlawpah puhin, Iran-in nuclear ralthuam a neihna tur kawng awm zawng zawng chu dan vek a tum thu a sawi a ni. Iran chungchanga Trump-a thusawi dan hi Saudi Arabia leh Israel chuan lawmawm an tih thu an sawi a ni.

Iran chuan nuclear energy programme a kalpui mek chu ralthuam siamna tur ni loin, civil mite ṭangkaipui tur zawka kalpui a nih thu a sawi.