Brazil President test result negative tawh

Brazil president Jair Bolsonaro chuan Inrinni khan a sample test result a negative tawh tih a sawi. President Bolsonaro hi July 7 khan Covid-19 a kai tih hriat a ni a, amah ngeiin a puang a ni. President chenna, Alvorada Palace-ah inkhung hrang nghalin, in aṭangin hna pawh a thawk zui a ni. Enkawl a nih hnua ṭum hnih test neih sak lehah pawh a la positive a, mahse Inrinni khan a ṭum thumna atana a test result chu chhuakin, hri lak aṭang hian a fihlim ta a tih a puang. 

Brazil ramah hian hri leng hian hluar lam a la pan zel a, US dawta hri kai tamna ber ram a la ni reng a ni. Inrinni khan hri kai hmuh thar mi 51,000 chuang awmin, mi 1,211 in an thihpui bawk. Hri vanga thi hi mi 86,449 an awm tawh a ni.