West Bank-ah Israel police-ten Palestinian 2 kaphlum ; Jerusalem-ah Israel sipai 1 kahhlum a ni bawk
Israel sipaite chuan kar liam ta Inrinni khan West Bank-ah Palestinian mi pahnih an kaphlum a, hemi ni vek hian Jerusalem-ah Palestinian mi pakhatin Israel sipai pakhat a kaphlum bawk.
Palestinian health ministry chuan Israel sipaiten an kahhlumte hi kum 18 leh 16 mi niin, mi dang 11 an hliam bawk tih a sawi. Palestinian president Mahmoud Abbad chuan he thil thleng hi a dem thu a sawi.
Hetih lai hian Israel sipaite chuan West Bank-ah Islamic Jihad firfiak man tuma beihpui an thlaknaah, Palestine mite hian silai leh bomb hmangin an lo bei niin an sawi thung.
Israel police-te chuan Inrinni khan silai keng, Palestinian mi chuan Jerusalem khawdai, Palestinian refugee camp Shuafat checkpoint-ah Israel sipai hmeichhe pakhat a kaphlum a, secruity guard pakhat a kap hliam bawk niin an sawi. Pawikhawihtu hi zawn mek a ni.