Trump-an 2020 president thlana chuh turin Hillary Clinton sawm

US President Donald Trump chuan 2016 pre­sident thlanna neiha a hneh tak, Democratic Party candidate Hillary Clinton-i chu kum 2020-a president thlanna neih tura chuh leh turin a ti.

Hillary Clinton-i hian 2016 inthlana Trump a hneh loh chhanah pawnlam thil inrawlh a awm niin tunhnaiah a sawi fo a, mahse Trump chuan a thusawi hi a pawm lo tih sawiin, Clinton-i chu candidate chak lo tak niin a sawi.

White House-a Rose Garden-a chanchinthar lakhawmtute a kawm­naah, Trump chuan Hillary Clinton-i chu kum 2020 president thlanah a chuh leh ngei a beisei thu sawiin, he inthlanah hian an pahnih bawka inkhin leh a duh thu a sawi.

Inthlana Clinton-i chak lohna chhan tam tak a awm thu sawiin, Trump chuan a bul ber chu a ṭhat tawk loh vang a ni, a ti. Hnam hla sak aia ṭhingṭhi lui, NFL player-te thlavang a hauh avangin Clinton-i chu a sawisel bawk.

Trump chuan hnam hla sak laia ṭhingṭhit chu ram zahlohna lantirna a nih thu a sawi a, hetianga an tih avang hian mipuite pawh NFL player-te chung­ah an thinrim hle tih a sawi. Hei hian nghawng a nei lian hle a, an inkhel entu mipui pawh an kiam phah hle a, hetiang thil ti tawh lo tur hian a ti bawk.

Inthlana a chak loh chhanah Clinton-in Ru­ssia a mawhpuh chu a chhuanlam mai mai a ni tiin Trump chuan a sawi.