Kabul-a police training center bei

Afghanistan chhimchhak lam, Paktia province khawpui Gardez-a police training centre chu nimin khan khan firfiakten beiin thihchilh bomb an tipuak a, mi 15 an thi a, midang 40 chuangin hliam an tuar.

Gardez-a public health director Hedayatullah Hamidi chuan bomb puaka thi zingah hian hmeichhia leh zirlaite pawh an tel niin a sawi.

Interior ministry chuan suicide car chu training centre bulah tihpuah a ni phawt a, hemi hnu hian firfiakte chuan silai hmetpuakin centre hi an bei zui niin a sawi. Security force-te chuan lo bei zuiin hun eng emaw chen an inkap zui a, a hnuah firfiakte hi an tlanchhe ta a ni.

Afghanistan khawthlang lam, Farah province-ah pawh Taliban firfiakten Shibkho district-a sorkar compound beiin, police pathum an kaphlum. Ghazni province-ah pawh security compound chu suicide car hmanga beih a ni bawk a, firfiakte leh security force te an inkap zui a ni.