Poland president thlan hun sawn hla

Poland chuan May 10-a an ram president thlan tur chu hri leng vangin a sawn hla. 

President inthlan neih hun tur hi ruat a la ni lo a, sorkar chuan a rang thei anga buatsaih tum a nih thu sawiin, inthlan hi postal ballot hmang chauha neih a ni ang. 

Rorellai, Law and Justice party hruaitu Jaroslaw Kaczynski leh an thawhpui, party dang aiawhten inthlan sawn hun tur hi hun eng emaw chen an ngaihtuah hnuah sawn an remti thei ta a ni.

Poland-ah hian Covid-19 kai hi mi 14,898 an awm tawh, a heng zinga mi 4,862 te chu enkawl dam tawh niin, thi hi mi 868 an awm tawh bawk. Hri leng vang hian party ṭhenkhat chuan inthlan neih tur atana campaign an neih hi March thla khan an lo titawp ṭan tawh a ni.