China-in khawpui ṭhenkhatah Covid-19 vangin lockdown puang leh

China khawpui ṭhenkhatah Covid-19 hri kai an pun chhoh leh avangin lockdown an puang a, zin veivah kawngah khuahkhirhnate an siam thar leh bawk.

Thawhṭanni khan hmarlam, Shanxi province-a Fenyang city-ah lockdown puan a ni a, Inner Mongolia region khawpui Hohhot-ah pawn lam aṭanga motor leh khualzin luh khap a ni bawk. Hohhot-ah hian ni 12 chhungin hri kai thar hi 2,000 chuang hmuh chhuah an ni.

Hripui leng vanga khuah­khirhna siamte chu khawvel ram tam zawka hlih a ni tawh a, hetih lai hian China chuan hri darh tur venna atan hian khuahkhirhna a la hmang chhunzawm zel a ni. Khuahkhirhna siamte hi thlahdul deuh ni ṭhin mah se, hri kai an pun leh deuh chuan khawpui hrang hrangah khauh taka kenkawh chhoh leh nghal a ni zel ṭhin.

Hun eng emaw chen boruak a ziaawm hnuah, tun hnaiah hri kai hi an hmu chho leh a, Inner Mongolia leh Xibnjiang bialahte hri hi leng thar lehin, ni khatah hri kai hi a za tel hmuh chhuah an ni leh tawh a ni.