Greece-ah raltlan 7,000 te school kaltir dawn

Greece Education Ministry chuan an rama raltlan awm zinga naupang kum 6-16 inkar, mi 7,000 te chu public school leh reception facilities for refugee education (RFRE)-ahte kaltir an ni dawn tih a sawi. Hei hi kumin chhunga minsitry educational program pakhat a nih thu a sawi.

Greece sorkar chuan nikum khan an rama raltlan naupang tam tak awmte school kaltir an nih theihna tur hi a ruahman a ni.

Education ministry chuan kumin chhungin apartment leh hotel luaha an chhungte nena cheng, naupang 2,439 te chuan morning class an kal thei dawn niin a sawi a, refugee camp-a cheng naupang 2,360 te chuan RFRE-ah tlai lamah class an kal ve thung dawn a ni.

George Angelopoulos, Educa­tion Ministry General Secre­tary chuan ni 15 chhungin naupang 2,000 vel chu school kaltir turin ziahluh an ni ang, a ti. Raltlan naupangte tana school kal theihna tur hian Greece ram chhung hmun hrang hranga public school 1,000 hman tel a ni dawn a ni. Hei bakah hian thla thar atangin he program-ah hian kindergaten 30 telh an ni leh bawk ang.

Ratlan naupangte puala school program kalpui a nih hnuah hian naupang 5,000 chu lehkha zirtir an ni tawh niin ministry chuan a sawi. Hei hi an rama raltlan naupang awm zat record aṭanga 40% an tling a ni.