Kenya election official a tlanchhia

Kenya electoral commi­ssion, Independent Electo­ral and Boundaries Commi­ssion (IEBC) senior member Roselyn Akombe-i chu karleha president thlanna neih ṭhat tum chungchangah thaha vauna a tawh avangin US-ah a tlanchhia.

Roselyn Akombe chuan IEBC-ah poli­tics a inrawlh nasa a, thutlukna mumal engmah an siam thei lo niin a sawi.

IEBC chuan Akombe-in ban a tum chu pawi a tih thu a sawi a, hetihlai hian chairman chuan karleha inthlan neih tur chu a rintlak ngei dawn em tih a tiam thei lo tih a sawi. IEBC kalphung leh hmalaknaah inrawlh lo turin political leader-te a hrilh nghal bawk.

Supreme Court chuan August 8-a president thlanna result chu a pawm lo a, inthlang ṭha tur hian a ti a ni. He inthlanah hian dik lo taka thiltih a nih thu sawi a nih hnuah pawh, president ṭanglai Uhuru Kenyatta chu tlinga puan a ni. Mahse hei hi Supreme Court chuan a pawmsak lo a ni.