Khawvelah Monkeypox vei 70,000 an tling tawh

World Health Organisation (WHO) chuan khawvel ram hrang hrangah monkeypox vei mi 70,000 an chuang tawh tih sawiin, mipuite chu fimkhur chhunzawm zel turin a chah.

WHO chuan mon­keypox hri vei kar liam ta khan America-a ram hrang hrangah an pung chho tih sawiin, khaw­vel huapin hri leng hi tlahniam deuhin lang mah se, hei tak hi inven ngaih lai, a hlauhawm lai tak a ni thei tih a sawi.

WHO hotu Tedros Adhanom Ghebre­yesus chuan kuminah monkeypox hri vei hi 70,000 chuang hmu­chhuah niin, mi 26 in a thihpui tawh thu a sawi. 'Ram tam takin hri kai an tlakhniam zel laiin, kar liamta khan ram 21-ah erawh an rawn pung thar leh a ni," a ti. Hri kai an tlakhniam hian mipuite chu ngaih ṭhain an inthlahdah phah mai ṭhin a, hei hi a hlauhawm lai tak a ni, a ti.