Kum 1970 hnuah ramsa 69% in kiam : WWF Report

Khawvel puma ramngaw-a cheng ramsa, wildlife population chu ram ngaw chereu leh tuipui bawlhlawlh belh zel avangin kum 1970 aṭang khan hmun thuma ṭhena hmun hnih velin a tlahniam tawh.

World Wildlife Fund (WWF)-in Living Planet Report a tihchhuah tharah hei hi tarlangin, wildlife population 32,000 behchhana species chi 5,000 an zirchiannaah nungchate hi chawhrualin 69% in an tlahniam tawh tih an hmuchhuak. Ramngaw suat, mihringin hamṭhatna tur atana a hman, pollution leh sik leh sa inthlak chu ramsa kiam chak chhan an ni.

Latin American leh Caribbean-te chu ramsa kiam tamna niin, kum 50 chhungin an kiamna hi 94% a tling. Brazilian Amazon-a pink river dolphin awm zat chu kum 1994-2016 inkarah 65% ah a tlahniam hman a ni.

WWF-in kum 2020-a zirchiannain a tarlan danin, wildlife population chu kumtin 2.5% in a tlahniam niin ZSL-a director of conservation and policy Andrew Terry chuan a sawi.

December thla hian ram hrang hranga palaite chu Montreal-ah khawvela ramngaw leh ramsa humhalh dan tur ngaihtuahin an ṭhukhawm dawn a, he hunah hian ramngaw humhalh leh enkawlna kawngah sum tam zawk dah an rawt rin a ni.

"Khawvela ram hausate chu kan ramngawte min humhalh pui turin ṭanpuina kan dil a ni," tiin WWF-a regional director for Africa Alice Ruhweza chuan a sawi.