Trump-a'n JFK thih dan chhuina tlangzarh remti

US President Donald Trump chuan President hlui John F. Kenedy thah a nih dan chungchang inziahna file tlangzarh tura ruahmanna awm chu a pawmpui thu a sawi.

He file hi US National Archives chuan October 26-a tlangzarh turin an ruahman a, mahse President hian a hun pawhsei chungchangah hian thuneihna a nei a ni. National Archive hian document tamtak mipui hmuhtheih turin an lo tlangzarh tawh a, JFK chungchangah pawh hian file tamtak an lo tlangzarh tawh a ni. Mahse heng an file tlangzarh tawh zingah hian a pawimawh ber a la tel lo a, chu chu tuna tlangzarh an tum hi a ni a, tlangzarh tur leh tur loh chungchangah hian thutlukna an siam thei lawk lo a ni.

Congress-in 1992 kuma thuneihna an chan khan kum 25 hnuah JFK chungchang document-te hi an tlangzarh tur thu an lo sawi tawh a, mahse hei hi Presient-in national secrity tibuai theia a hriat chuan tlangzarh theih a ni dawn lo a ni. National Archive hian document 3,000 chuang la tlangzarh loh an nei a, 30,000 chuang an lo tlangzarh tawh thung a ni. Trump hian an file tlangzarh tur hi a vaiin an tlangzarh dawn nge dawn lo a la sawi chiang lo thung.

John F Kenedy hi November 1963 khan Dallas, Texas-ah kahhlum a ni a, a kaphlumtu Lee Harvey Oswald chu hemi ni vek hian man nghal a ni. Oswald erawh hi chuan a thah a nih loh thu leh tu emawin hmanruaa a hman avanga ti a nih thu a sawi. Lee Harvey Oswald hi police kuta a awm laiin Jack Ruby-a'n a kaphlum ve leh a ni. Hemi a nih avang hian JFK thihdan chungchangah hian inhnialna a tam hle a, he file an release turah hian thu chiang zawk hriat theih mipui lam chuan an in beisei a ni.

University Virginia of Center for Politics and author of a book director, Larry Sabato pawn American mipuiten thudik hriat an phu thu a lo sawi ve bawk a ni.