UN-in Dafur-a sipai a dah titlem

United Nations African Union Mission-in Dafur (UNAMID) Joint Special Repre­sentatives (JSR) thupuangtu Ashaf Eissa chuan Khartoum, Sudan-a Pathianni a press conference neihah UNAMID in Dafur-a an sipai dah an tih tlem tawh thu a sawi.

UNAMID hian Dafur aṭang hian sipai 1,440 leh police 240 an lakchhuah thu an tarlang a, hei hi UN Security Council Resolution (2363) bawhzuia ti an nih thu UNAMID thupuangtu chuan a sawi a ni.

Ashraf Eissa chuan Se­curity Council resolution an bawhzuinaah hian sipai batallion hnih, Nigerian leh Pakistani 720 ve ve an lakchhuah thu a sawi a, police unit hnih Bangladesh leh Senegalese 120 ve ve an lakchhuah tawh thu a sawi bawk. He an hmalak mek hi phase khatna niin nakum Janua­ry-ah hmalakna phase 1 hi an zawh hman an beisei.

Ashraf chuan phase 1 zawhah hi chuan sipai 11,395 leh police 2,888 an lahchhuah hman an inbeisei thu a sawi bawk a, phase 2-ah sipai 8,735 leh police 2,500 lakchhuah leh an tum thu a sawi bawk. An tum anga thil a kal a nih chuan phase 2 hi June 2018 a zawh hman an beisei.

New York-a UN headquar­ter leh Security Council in hun a pek chhungin team site 11 Dafur-ah hian an khar tawh a, phase khat hi thla ruk chhunga zawh hman tura ruahman a ni.

UNAMID hi UN in muanna a awm thieh nana a hmalak lian ber pahnihna nia ngaih a ni a, Democratic Republic of Congo-a a hmalakna dawttu a ngaih a ni.

Kum 2008 khan UNAMID hian Dafur-ah a hmalak a ṭan a, Sudan sipaite leh he 2003 aṭanga nasa taka an inbeih avanga hmala an ni. UN statistics in a tarlan dan chuan he buaina chhuakah hian mi nuai thum in nunna an chan tawh.