South Korea-in military drill nei

South Korea sipaite chuan kumtina an neih ṭhin, Hoguk defence drill chu nimin aṭang khan an nei leh ṭan a, Inrinni thleng a awh ang.

South Korea hian tun hnaiah military drill chi hrang hrang a lo nei tawh a, US leh Japan nen joint drill-te pawh an nei a ni. Hei hi North Korea lam chuan a ngaimawh hle a, a lung­awilohna lan­-

tirna kawng khat atan joint drill an neih chhung hian missile pawh a lo enchhin a ni.

Kar liam ta pawh khan NKorea hian missile bakah artillery shell 500 chuang chu a kapchhuak a ni.

North Korea chuan South Korea sipaiten drill an neih leh, ram dang nena joint drill neihte hi an ram beihna tura an inbuatsaihna niin a puh a, mahse SKorea chuan hei hi an tihdan phung pangngai, an defence lam thuam chakna tura an thiltih ṭhin niin a sawi thung.