USA leh Syria-te'n Paris Agreement an sign lo
Nicaragua chuan Paris Climate Change Agreement chu a sign ve ta tih thuchhuah a siam a, USA leh Syria-te chiah he agreement la sign ve lo hi an awm tawh a ni.
Nicaragua Vice President Roasario Murillo chuan golbal warming leh a hnathawh laka khawvel pum huapa hmalakna awm chhun a nih thu a sawi a, President Daniel Orteha pawn kar hmasa khan an ramin he agreement hi an sign vat tur thu a lo sawi ve bawk. Nicaragua chuan a hmain he agreement hi ram hausa zawkte tan channa a tlem bik lutukah ngaiin a lo sign duh tawh lo a, mahse tunah chuan a sign ve leh ta a ni.
World Bank chuan Nicaragua ram hi "renewable energy paradise" tiin 2013 khan hming a lo phuah hial tawh a, an rama energy an hman chanve aia tam mah hi thli, geothermal, solar leh wave energy aṭanga an hmuh a ni. Kum 2020-ah chuan 90% chu heng chakna hmang tur hian ruahmanna an siam thu an tarlang.
Kum 2015 khan Paris Agreement hi ram dang 194-te rualin US President hlui Barak Obama khan a lo sign tawh a, Donald Trump chuan hei hi duh loin, an ram economy dinhmun tichhe theiah ngaiin he agreement aṭang hian a inhnukdawk a ni.