Nigeria-ah police 12 kaphlum

Nigeria-ah paramili­tary police 12 chu firfiak pawlten kar kalta Inrinni khan an kaphlum. Helte hian police-te hi an base-ah luhkhung nia tarlan a ni. Heng firfiak pawlte hian pick-up truck leh motorcycle hmangin an bei a, mi eng emaw zat an hliam bawk.

He thil thlenna ni Mali border bulah niin, tunthla tir lama US sipai pali thah an nihna aṭanga hla lo te a ni. Hei vang hian US sipai te'n henglai vel hi an ngaihven hle tih Ayorou thupuangtu chuan a tarlang. Henglai velah hian firfiak pawl hrang hrang Boko Haram, al-Qaeda leh Islamic state firfiak pawl-te'n awmhmun an khuar thu a tarlang bawk. Security lam thupuangtu chuan police beitute motor hi ralthuama thuam a nih thu sawiin, motor-a chuangte pawh hian silai an ken thu a sawi a ni.

Hetih lai hian pawi khawihtute hi tun thlenga hriat an la ni lo.