Guinness World Record-in karkhata ni hrehawm berah Thawhṭanni a puang

Guinness World Records chuan Thawhṭannia hnathawk tura chhuak hreh deuhte phun thawm te chu ngaihthlak sakin, Thawhṭanni chu karkhat chhunga ni hrehawm ber 'worst day of the week' a nih thu official-in nimin khan Twitter-ah a puang.

Guinness World Records hi din a nih aṭanga kum 1999 thleng khan The Guinness Book of Records tih a ni ṭhin. He record book hi kumtin mihringin thil chhinchhiah tlak tak leh hlawhtlinna an chan te bakah kan chenna leilung a thil mak tak tak te chhinchhiahna atan an hmang ṭhin a ni.

London, New York, Beijing, Tokyo leh Dubai-ahte office neiin, Guinness World Records chuan record book hi khawvel ram hrang hrangah copy maktaduai 143 chuang a hralh tawh bawk.