Afghanistan buaina chungchangah US-in Pakistan a ring lo
Pakistan Foreign Minister Khawaja Asif chuan Afghanistan buaina chungchangah US chuan Pakistan-ah rinna a nghah ngam loh thu a sawi. He thu hi US Secretary of State Rex Tillerson nen inkawmna an neih hnu lawka a sawi a ni.
US President Donald Trump-a'n Pakistan chu Taliban-te tan ralmuanna hmun nia a sawi hnuah, Rex Tillerson hi US official Pakistan-a kal leh hmasa ber a ni. Khawaja Asif ve thung chuan, "Pakistan-ah Taliban-te tan thlamuang taka awmna hmun a awm loh thu a sawi a, kan ram hi an mamawh lo, Afghanistan ram 40% aia tam mah an thuhnuaiah an dah tawh a ni" a ti.
Asif hian US leh Pakistan inkara inkungkaihna ṭha a awm zel theih nan Tillerson nen hian hma an lak dun tur thu a sawi bawk.
US lam Afghanistan-ah hian Taliban ten 10% an thuhnuaiah an dah thu leh, 30% dang an thuhnuaia dah tura an beih mek thu an tarlang ve thung. US leh Afghanistan official-te chuan Pakistan border-ah heng firfiak-te hi an tawm ruah ngaiin, Pakistan aṭanga Afghanistan beih an tum niin an sawi.
Ṭhenkhat phei chuan ISIS leh Pakistan Intelligence-te chu thawkho ah ngaiin, Aghanistan an beihnaah pawh ṭangdunah an ngai a ni.
Asif chuan US chu Aghanistan buaina chinfel tum loah a puh bawk a, Taliban beih letna kawngah pawh US aṭanga puihna an dawn mang loh thu a sawi a ni. Sipaite mamawh engmah an dawn loh thu sawiin, tunhma a an thawh dunna ṭha ang kha a ni tawh lo a, an inkarah inrin tawnna a awm tawhlo niin a sawi bawk.