US-in raltlante an rama luh phal leh ta

White House chuan ni 120 chhung ram 11 'ram hlauhawm' ni a ngaih aṭanga an rama raltlante a dan chu a titawp rih dawn tih a puang.

US President Donald Trump chuan he executive order thar hi Thawhlehni khan a sign tawh a, US refugee programme kalpui leh a ni dawn ta a ni. Hetih lai hian Department of Homeland Security (DHS) chuan heng ram 11 aṭanga raltlana lo lutte hi ram tana mi hlauhawm an nih theih avangin ni 90 chhung enthlithlai an ni dawn tih a sawi.

Heng raltlante hi uluk taka zirchian an nih tur thu DHS chuan an chhuah bawk a ni. Ni 90 chhung hian case-by-case a zirchianna an nei vek dawn a ni.