EEU member-te'n economic relation ṭha zawk neih remti

Eurasian Economic Union (EEU) member state panga - Armenia, Belarus, Kazakhstan, Kyrgzstan leh Russia-te chuan economic relation ṭha zawk an neih theih nan inremna thuthlung11 an ziak.

Armenia khawpui Yerevan-ah Nilaini khan Eurasian Intergovernmental Council neih a ni a, he hunah hian inremna hi ziah a ni. EEU-te'n council an neih chhung hian insumdawn tawnna leh agriculture mai bakah, infrastructure lam thlenga thawh hona ṭha an neih theih dan tur kawng hrang hrang an sawiho a, Eurasian Economic Commission chairman Tigran Sargsyan chuan EEU member-te'n Eurasian joint enterprise dinna tur project an siam tur thu a sawi.

Armenian President Serzh Sargsyan pawn bungrua leh hnathawk turte awlsam taka inkalpawh leh inthawn a nih theih tur thu a sawi ve bawk.

Eurasian Intergovernmental Council hi Sochi, Russia-ah kum 2018 chawhma lamah neih a ni leh dawn a ni.