North Korea-in US vau leh

North Korea ram hruaitu lu pakhat chuan, US-in Pyongyang laka sipai chakna hman tuma a vauna chu tihtawp a nih loh chuan, US leh a thurualpui ramte chu Pacific tuipui-a Hydrogen bomb test-ah a vau.

United Nations General Assembly thla hmasaa neih zawh takah khan UN Security Council chuan NKorea hrekna tur resolution a pass a, hemi chhan letna ni pah fawm hian NKorea Foreign Ministry hotu Ri Yong-ho chuan vauna hi a chhak chhuak a ni. Ri Yong-ho chuan Pacific tuipuiah Hydrogen bomb hlauhawm tak an tihpuah theih thu a sawi a, he vauna hi ngai thutak hle turin US chu a hrilh bawk.

Ri chuan foreing minister-te'n an hotu ber duhdan an ngaihpawimawh thu sawiin, "Kan thusawi hi a takah kan chantir ṭhin a ni" a ti. US President Donalh Trump chuan tun hnai mai khan interview naah US chu NKorea chhanglet tura a inpeih thu a lo sawi tawh a, NKorea bei tura a sipaite an inrin reng thu a sawi a ni. "Kan inpeih dan chu mak inti zawk ang" tiin interview naah hian a sawi a ni.

Trump hi karleh mai hian East Asia Trip nei tur a ni a, NKorea-in vauna a chhakchhuah reng avang hian South Korea leh Japan te chu inbiakna neihpui a tum a ni.