NKorea-in SKorea sangha mantute chhuah dawn

North Korea chuan South Korea sangha mantu, ni ruk kaltaa dan lova an ram tuipuia an luh avanga a mante chu a chhuah tur thu an tarlang.

NKorea state news agency KCNa chuan lawng leh a chhunga chuangte chu chhuah an nih tur thu a sawi. Report chuan he lawnga chuangte hian an thil tihsual avanga ngaihdam an dil thu a tarlang bawk. Ram pahnihte hian inkar boruak a ṭhatloh lai taka hetiang thil a thleng hi an la thutak hle a ni.

Kar kalta Inrinni khan heng sangha mantute hian NKorea ram chin hi an lut ngei a ni tih finfiah a ni tawh a, SKorea sorkar chuan an ram sangha mantute chhuah an ni tur chu lawmawm a tih thu a sawi. NKorea tuipui china SKorea lawng lut hi thil thleng ngai lo a ni lem lo a, kum 2010 khan Japan tupuia SKorea sangha manna lawng bo pawh NKorea-ah hian an lo hreng tawh bawk a ni.