BBC Persian staff-te Iran-in tiduhdah

United Nations thupuangtu pakhat chuan Iran sorkar chu BBC Persian staff leh an chhungte chunga a chet dan chu demin, an chetdan chu titawp vat turin a ti.

Freedom of Opinion and Expression lama UN reporter David kaye chuan, Iran sorkarin a tihduhdah avangin BBC chuan complain a thehluh thu a sawi. Iran sorkar hian BBC hnuaia thawk mi 150-te chu thil diklo tiah puhin a enthlithlai hnuah an ram himna tibuai theiah ngaiin an chungah mawilo taka an chet thu tarlan a ni. Heng BBC staff-te hi Iran sorkar hian an chhungkaw ro, inrochun leh an bungrua neihte pawh hralh a phalsak lo a, hei hian dem a hlawh hle a ni.

BBC director general Tony Hall chuan Iran chet dan chu Journalist-te hremna rapthlak tak a nih thu a sawi. BBC Persian staff-te hian London aṭangin news hi TV, radio leh online-in an pechhuak a, Iran-ah hian ban ni mah se mi maktaduai 18 zetin an chhawr tho a ni.

BBC chuan Nilaini khan thuchhuah siamin an Persian staff-te leh an chhungte chu 2009 presidential election neih hnu aṭang khan nek chepa an awm thu a sawi a ni. Hemi a nih avang hian BBC chuan UN hnenah hian complain hi a thehut ta a ni.