Naupang 99 an thih vangin Indonesia-in syrup khap

Indonesia sorkar chuan kuminah an rama naupang 99 an thih tawh avangin naupang damdawi syrup chu zawrhchhuah a khap.

Tun hnaia Gambia rama naupang 70 dawn thihna pawh khuh damdawi tui an pek nen inzawmna nei nia sawi a lo ni tawh bawk. Mahse Gambia ram naupangte pek damdawi hi Malaysia-ah chuan hralh a ni ve lo tih thuneitute chuan an sawi.

Indonesia chuan syrup medicine ṭhenkhatah chuan kal natna, acute kidney injuries (AKI) thlen thei ingredient hmuchhuah a ni tih a sawi a, hei hi naupang 99-te thihphahna a nih theih thu a sawi. Heng damdawi hi an ramchhunga siam nge, ram dang aṭanga lakluh tih erawh sawichian a ni lo.

Indonesian health official-te chuan naupang kum nga hnuai lam, AKI nei hi 200 vel an awm thu a sawi. Health minister Budi Gunadi Sadikin chuan AKI nei, naupangte syrup pek ṭhenkhatah hian ethylene glycol leh diethylene glycol-te a awm tih hriat a ni tiin, hengte hi damdawiah hian awm tur a ni lo a, telh a nih pawhin tlemte chauh a ni tur a ni, a ti.