Afghanistan-a helicopter tlaah US mi boral

Afghanistan-a Kabul khaw chhim lamah Inrinni khan helicopter a tla a, US sorkar hnuaia hnathawk pakhat a thi a, midang paruk an hliam bawk.

Taliban-te chuan US heli­copter pakhat chu Kharawr district-ah Inriini khan an kahthlak thu an sawi a, mahse US sipai thupuangtu chuan he helicopter tla hi hmelmate beihna vang a nih loh thu leh, thil dang vang a nih thu a sawi. Thil thlen dan an chhui chian mek thu a sawi bawk.

Afghanistan-a US leh NATO commander general John W. Nicholson chuan an thawhpui an chan chu pawi a tih thu a sawi a, thil thlen dan chiang zawk an ngaichang mek tih a sawi.

US president Donlad Trump chuan Afghanistan-ah hian sipai tirh luh belh a nih tur thu a lo sawi tawh a ni. Trump chuan sipai 9,000 aia tlem Afghanistan-ah hian an awm mek tih sawi mah se, mithiamte chuan US Sipai 12,000 dawn thuak chu Afganistan-ah hian an awm niin an sawi ve thung.

Afghanistan-ah hian kumin chhungin US service member 12 an thi tawh a, 2001 aṭanga tun thlengin US service member 2,400 aia tam an thi tawh bawk.