Saudi Arabia-in Sports Stadium-ah Hmeichhe luh phal dawn

Saudi Arabia official-te chuan thuchhuah siamin kumthar aṭang chuan sports stadium-ah event eng emaw a awmin hmeichhia-te an kal ve a phal tawh dawn tih an tarlang.

An thuchhuahin a tarlan dan chuan, khawpui pathum - Riyadh, Jeddah leh Dammam stadium-ah te an lut thei tawh dawn a ni. Hmeichhe dinhmun dah san lohna hmun Saudi Arabia-ah hian hetiang thuchhuah sorkarin a siam hi thil danglam tak a ni. Crown Prince Mohammed bin Salman-a'n thuneihna a chan aṭangin Saudi hian hmalam a pan nasa a, tuna hmeichhaite stadium-a luh an phal tur pawh hi Salman-a hmalakna pakhat a ni.