Trump-a'n Pulitzer Prize pe kir turin phût

United States (US) president Donald Trump chuan kum 2016 US president thlanna neiha Russia inrawlhnia rinhlelh a nih dan chungchang an chhuizui leh report avanga Pulitzer Prize dawngtu chanchinbute chu an chawimawina dawn hi pe kir turin a phût. 

White House-a repor­ter-te a kawmnaah President Trump chuan, "Heng mite hi journalist an ni lo. Rukru vek an ni. Pulitzer Prize dawngtu journalist-te hian an tih dik loh vangin an chawi­mawina dawn hi pek kir tir leh vek tur an ni. Inthlanah hian Russia a inrawlh lo tih lantirna document pawh a la chhuah belh zel zawk a ni," a ti. 

Trump chuan US President thlannaa Russia inrawlh anga puhna chu thil dik lo a ni a, hemi chungchang chhuahtu chanchinbute hnenah chawimawina pek chu thil mualphothlak tak a ni tiin a sawi.