Britain Prime Minister Liz Truss a bang Kar 1 chhungin a thlaktu tur thlang dawn

Britain prime minister Liz Truss chu Ningani tlai khan a bang a, prime minister atana lakluh a nih aṭanga ni 45-naah a bang leh nghal a ni.

Liz Truss chuan a ban thu a puan rualin kar khat chhungin hruaitu thar hi thlan a nih tur thu sawi nghalin, amah thlaktu tur thlan a nih hma chu prime minister atan a awm zui rih tur thu a sawi.

Ni 44 pumhlum chiah PM dinhmun chelhtu, Liz Truss hi Britain chanchina PM ni rei lo ber a ni.

Truss thlaktu tur, Con­ser­vative party hruaitu thar thlan turah hian prime minister hlui Boris Johnson leh tun hnaia a inthlana Truss hneh zo lo tu, finance minister hui Rishi Sunak-te chu sawi langsar zingah an tel. Anni pahnih bakah defence minister hlui Penny Mordaunt hming pawh sawilan a ni bawk a, mahse an pathum hian party hruai­tu chuh an tum thu hi offi­cial-in an la sawilang lo.