US-in Benghazi beihtu nia rin man

US chuan kum 2012-a Benghazi, Libya-a US Diplomatic compound beih a nih ṭuma inhnamhnawih ngei ni a rinhleh a man.

Pawihkhawihtu nia rin hi US Special Operation Force-te'n an man a, amah hi Mustafa al-Imam a nih thu leh 2012 kuma US ambassador thihnaah khan a inhnamhnawih ngei ni a an hriat thu an tarlang a ni. Official-te chuan an mi man hi Department of Justice hnuaiah a awm thu leh sipaite'n US-ah an hruai tur thu an sawi. He operation hi US President Donald Trump thupeka kalpui a nih thu leh UN pawn a thlawp thu an sawi bawk.

September 11, 2012 khan Benghazi, Libya-a US diplomatic compond chu beih a ni a, hemi ṭum hian US ambassador Christopher Stevens leh midang pathum thah an ni.

Attorney General Jeff Sessions chuan al-Imam chu kuahkhirhna hnuai­ah dah a nih thu leh zawhna zawh a nih tur thu a sawi a, he pawikhawinaa inhnam­hanawih midang pawh hriatchhuah an beisei thu a sawi bawk.