Pakistan Court-in Imran Khan ngenna a hnawl

Pakistan prime minister hlui, Imran Khan-a'n Election Commission-in Parliament member a nihna aṭanga a disqualify-na a khinna chu Pakistan court chuan a hnawl.

Islamabad High Court-a chief justice Athar Minallah chuan EC thupek hnawl tura ngenna a thehlut hi document a thehlut kim lo nia sawiin a hnawlsak a, ni thum chhunga thehlut ṭha leh turin hun a pe nghal bawk. Hemi rual hian EC thupek siam hian Parliament term kal mek-a member a nihna chauh a huam a, hei hian inthlan lo awm tura chuh a khapsak chuang lo tih sawiin hmanhmawh taka ngaihtuah nghal a ṭul hran lo tih a sawi bawk.

EC hian kar liam ta Zir­tawpni-a Imran Khan a disqualify chungchangah, thutlukna a siam dan kim­chang a la tichhuak lo a, hei vang hian an hlauthawng niin a sawi.

Hetih lai hian law minis­ter Azam Nazeer Tarar chuan Imran Khan chu kum nga chhung inthlana chuh thei lo tura hrem a ni dawn niin a lo sawi ve thung.