Australia Senate President a bang dawn

Australia Senate President Stephen Parry chuan UK dual citizen a nih thu a nemngheh hnuah, Senate President a nihna aṭanga a ban tur thu a sawi.

Kar kalta Zirtawpni khan High Court of Australia chuan politician thlan tlin panga-te chu dual citizenship an neih avangin ram danpui hnuaiah thlan tlin an nihna chu pawm theih a ni lo niin a lo sawi tawh a ni. Parry hian British citizenship hi a pa aṭanga a rochun a ni.

Parry-a thlaktu tur hi nikum inthlan neih taka vote tla chhiar ṭhain thlan a ni dawn a, Liberals member ami a nih rin a ni.